Својства на волјата I-дел

       СВОЈСТВА НА ВОЛЈАТА I-Дел

    Својствата на волјата се поврзани со способноста, настојчивоста и со издржливоста на човекот да ги реализира  своите цели и намери.

     Силна волја има онаа личност која ги совладува сите пречки во обликувањето и во релизирањето на намерата. Таа се карактеризира со решителност и со подготвеност да го спроведе своето решение и да ја прими сета одговорност и за изборот и за извршувањето на намерата. Луѓето со силна волја се упорни, доследни, принципиелни, иницијативни, дисциплинирани.

    Цврста волја е настојчиво опстанување на решението, неменување на земената насока.

    Независна волја  ја изразува самостојноста на личноста во своето дејствување.

    Истрајна волја е сила на личноста да опстане на решението (наспроти можните сомневања и колебања) и да се биде упорен во спроведувањето на намерата.

   
   

Волја

     ВОЛЈАТА КАО МОРАЛЕН СТРЕМЕЖ
   
       Волјата е израз на моралниот стремеж за добро дејствување. Волното дејствување е акт остварен со желба  и со сознание на личноста. Слободната волја или слобода на волјата, е основа за етичките постапки, израз на автономијата на личноста. Моралниот стремеж на слободната волја  представува избор меѓу две или повеќе можности, од кои секоја има свои вредности и може да биде посакувана, а личноста слободно да донесува решение.
     Еден квалитет е основен за етиката - добра волја - означува личност со добра намера  и со постојано својство на љубов за луѓето и за етиката. Таквите луѓе со добра волја се основа за градење на светот на добрината.

Волјата како способност на човекот

Волја

   ВОЛЈАТА КАКО СПОСОБНОСТ НА ЧОВЕКОТ

       Волјата е способност на човекот да се концентрира и да ја вложи својата енергија во реализирањето на некоја намера. Оваа свесна човекова активност и насоченост кон остварување на некоја цел се состои:

• од представа од она што се посакува (мотив),
• од размисла и од оценување на вредноста на посакувањето, како и на начинот на неговото реализирање,
• од решение и од насочување за определено дејствување  и
• од извршување на намерата.   

       Од волјата зависи остварувањето на замислите и на целите, бидејќи таа го насочува дејствувањето, инсистира да се пристапи кон реализирањето, бара да се издржи во активноста и да дојде до зацртаното. Волјата се определува како самостојност, способност за донесување цврсти решенија која ги совладува сите пречки.