КУЛТУРА

         КУЛТУРА - во потесна смисла: усовршување на човековите способности, особено на творечките, кои доаѓаат до израз во духовните творби на човекот (моралот, уметноста, науката, правото итн.) односно, остварување на хумани вредности во човекот и неговите дела. Поим со кој се означува личноста на човекот остварена со неговите лични заложби и творештво - наспроти поимот природа , кој ги означува човековите вродени својства. Во најширока смисла: усовршување на нешто заради  човечки цели. Поимот култура на латински означува одгледување на земја, облагородување, формирање на душата.
         КУЛТУРЕН  - одгледан, воспитан, оној кој има квалитети на образована и изградена личност. КУЛТУРНО - вредно, човечки, пристојно, достоинствено, цивилизирано, итн.