Со етичките и морални својства на личноста се изразува односот спрема себе и спрема другите луѓе, спрема заедницата, работата, природата, спрема моралните и културните вредности. Личноста се оценува и се прифаќа според нејзиниот карактер кој може да биде позитивен и негативен.
Позитивни етички карактерни својства кај луѓето се: добрина, чесност, благородност, справедливост, вистинољубивост, скромност, дружељубивост, трудољубивост, совесност, точност, милосрдност, самокритичност.
Негативни етички карактерни својства имаат луѓето со зол и опак карактер, кои се нечесни, несправедливи, несолидарни, насилни, мрзливи, неточни, лажливи, несовесни.
И карактерите се изградуваат исто како што и волјата може да се развива и вежба. Така секоја личност е одговорна за своите карактерни својства, според кои луѓето ја ценат или не ја ценат.

No comments:
Post a Comment