ЕКОЛОШКИ ДУХ И СРЕДСТВА I - дел

     За да се справи со еколошките проблеми човекот има само две делотворни средства: тоа се умот и моралот, како негови основни елементи и сили. Тој нив може и мора да ги ангажира за да ги созне своите тешкотии и да најде пат по кој поисправено ќе оди.
     Ова е едно од неколкуте клучни човечки преиспитувања во историјата...
Основното што треба да се сознае, е дека тука не станува збор за загадување на туку за уништување. Тоа не е последица пред се, од промените на условите на животот, туку е резултат на човечката негрижа и на дејствата кои ги менуваат благопријатните услови на човековото живеење и опстанок. Еколошката етика е поттик за реконструкција на типот на живеење и постапување. Причинскопоследичната форма е универзална: Секој е жртва, но и причина за пропаѓањето. Тоа условува и бара нови начини на однесување  на човекот:
- негов реалистичен однос;
- свесност за условите и за потенцијалите на животот;
- внимателно користење на ресурсите;
- изградба на висок етички став;
- засакување на животот воопшто;
- пројава на доброходност кон себе си си кон сите луѓе (со свест за единство);
- избегнување на лошите и на уништувачките дејства и
- надоградба на добрите намери и постапки.