ЕВДАЈМОНИЗАМ - ПОСТИГНУВАЊЕ НА СРЕЌА

        ЕВДАЈМОНИЗАМ - едно од најраширените и најзначајните етички учења во историјата, според кое целта и смислата на севкупното човечко дејствување е да се постигне среќа (на човекот, на некоја група луѓе односно на целата заедница). Бидејќи среќата и задоволството се сфаќаат како објективни добра кои можат да се постигнат, задачата на етиката е да ги пронаоѓа, образложува и да ги препорачува начините за остварување на среќата. Оттука и голема задача на моралот е да се зголемуваат среќата и задоволството, што е истовремено и вистинска етичка исправност.