СМИСЛАТА НА ЗДРАВСТВЕНАТА ЕТИКА II - дел

     Смислата на здравствената етика е превенција, имање свест за негативностите од своето дејствување, насочување на своите решенија и активности кон добри постапки и кон избегнување на лошите, пресретнување на здравствените тешкотии со претходни исправни дејства. Посебни димензии на здравствената етика се ненанесување штета на другиот, избегнување на зависностите, водење сметка за
здравствената и за биоетичката одговорност, помагање на другиот да си го чува или поправи здравјето, и сл.
     Основни димензии на етиката на здравјето се: идеал за добро здравје, своето и на другите луѓе; грижа за здравјето; самосвест на личноста за состојбата на своето тело и психа, за нивната правилна функција и потреби; норми за чување и за унапредување на здравјето; дејства кои се насочени кон заштитата и кон подобрување на здравјето.